Тошкент шаҳридаги Муқим яшаш жойига эга бўлмаган шахсларни реабилитация қилиш марказида дайди мушуклар учун уйча очилди. Мушуккент лойиҳасининг мақсади шаҳар ички ишлар бўлимларида мушук уйчалари ўрнатиш ҳисобланади. Уйчалар ички ишлар органлари кузатуви остида бўлади. Бу ҳақда Facebook’даги Мушуккент гуруҳида маълум қилинди, деб ёзмоқда «Anhor.uz».
Гуруҳ томонидан берилган хабарда айтилишича, кўча мушуклари учун уйчалар яратиш шаҳар урбанистикасидаги халқаро формат ҳисобланади. Бундай уйчалар Туркия, Сингапур, Жанубий Корея ва Россиянинг бир қатор шаҳарларида қурилган. Кўплаб шаҳарларда эса бундай уйчалар диққатга сазовор жойлар ҳисобланади.
Тошкентдаги мушук уйчалари шаҳар ИИББ қўриқлови остида бўлади, уйчаларга ва унда яшовчиларга зарар етказиш қонунга асосан жавобгарликка сабаб бўлади.
Қайд этилишича, дайди ҳайвонлар босқичма-босқич эмланади, стерилизация қилинади ва ҳисобга олинади. Ҳужжатлар ИИББда, нусхалари эса хоҳишга кўра аҳоли қўлида сақланади.
Уйчаларга қараш, уларни тозалаш эса уйчаларнинг шартли эгалари томонидан амалга оширилади ва бунда уларга қўриқлаш бўйича барча зарур ҳужжатлар тақдим этилади.
Изоҳ (0)