Фарғона вилоятининг Боғдод туманида яшовчи фуқаро ўзининг Tico автомобилида ЙТҲга учради. Оқибатда унинг икки нафар вояга етмаган қизи вафот этди. Бу ҳақда «MY5» телеканалининг «Марказий студия» дастурида маълум қилинди.

Ҳайдовчи ўз машинасида иккинчи даражали йўлдан ҳаракатланиб келиб, асосий йўлга чиқиш вақтида Андижон вилояти Булоқбоши туманида яшовчи фуқаро бошқарувидаги Nexia машинасига йўл бермасдан, унинг йўлига чиққан. Натижада тўқнашув содир бўлган. ЙТҲ оқибатида Tico ҳайдовчиси бошқарувни эплай олмай, йўл четидан оқиб ўтувчи зовурга тушиб кетган.

Оқибатда Tico ҳайдовчисининг 7-синфда ўқийдиган қизи воқеа жойида, унинг 8 ёшли яна бир қизи кўрсатилган тиббий ёрдамга қарамасадан, шифохонада вафот этган.