Жанубий Корея Эксимбанки Ўзбекистоннинг чекка туман ва қишлоқларида жойлашган 150 дан ортиқ тиббий муассасани замонавий технологиялар билан жиҳозлаш бўйича лойиҳани қўллаб-қувватлайди. Бу ҳақда Ўзбекистон Инвестициялар ва ташқи савдо вазирлиги хабар берди.
2019 йилнинг 8 ноябрь куни Инвестициялар ва ташқи савдо вазирлигида Корея Эксимбанки молиявий операциялар бўйича директори Чанг Юн Су бошчилигидаги делегация билан учрашув бўлиб ўтди, унда Ўзбекистон Республикаси Молия вазирлиги ва Соғлиқни сақлаш вазирлиги вакиллари ҳам иштирок этди.
Учрашув давомида томонлар икки мамлакат ишбилармон доираларининг икки томонлама ҳамкорликни ривожлантиришга қизиқиши юқори эканлиги, хусусан, Жанубий Корея президенти Мун Чжэ Иннинг Ўзбекистонга давлат ташрифи чоғида эришилган келишувлар муҳокама қилинди.
Учрашув якунлари бўйича бир қатор ҳудудлардаги тиббиёт муассасаларини умумий қиймати 74 миллион долларга тенг тиббий ускуналар билан жиҳозлаш лойиҳаси бўйича ҳамкорлик тўғрисида Протокол имзоланди.
Лойиҳанинг асосий мақсади республика соғлиқни сақлаш тизимининг хизмат сифатини ошириш мақсадида, вилоятларда, асосан чекка ва қишлоқ жойлардаги 150 дан ортиқ тиббиёт муассасаларини замонавий юқори технологик ускуналар, ёрдамчи тиббий материаллар ва воситалар билан таъминлаш орқали модернизация қилишдан иборат.
Изоҳ (0)