Боливиянинг истеъфога чиққан президенти Эво Моралес Москва билан алоқага чиқмаган ва Россиядан бошпана сўрамаган. Бу ҳақда Россия президенти матбуот котиби Дмитрий Песков маълум қилди, дея хабар беради «Интерфакс».
Унинг айтишича, Кремл барчани тинчланишга чақиради ва Боливиядаги вазият қонун доирасида ривожланишига умид қилади.
«Албатта, боливияликлар ўз тақдирларини ўзи, учинчи давлатлар аралашувисиз ҳал қилади деб ўйлаймиз», — деди Песков.
Маълумот учун, Россия Давлат думаси халқаро ишлар қўмитаси раиси ўринбосари Алексей Чепа Боливияда АҚШ томонидан уюштирилган давлат тўнтариши рўй берганини билдирди.
Изоҳ (0)