Филиппин президенти Родриго Дутерте мамлакат ҳукумати бошқарувини уч кунга президент девонхонаси бошлиғи Сальвадор Медиалдесга топширади ва ўзи хордиқ чиқаради. Бу ҳақда «Известия» хабар берди.
Президентнинг таътили 12 ноябрь, сешанба куни бошланади. Дутерте таътилни ўз жонажон шаҳри Даваода ўтказади.
Филиппин давлат раҳбарининг вакили Сальвадор Панелонинг айтишича Дутерте уйқуси камлиги ва зўриқиб ишлаётгани туфайли таътил олган.
Мавзуга доир: Бенин соҳилларида қароқчилар Норвегия кемасидаги филиппинлик денгизчиларни ўғирлаб кетди
2018 йил ноябрида Филиппин президенти Сингапурда ўтган Жануби-Шарқий Осиё мамлакатлари (ACEAH) саммитини ухлаб куч тўплаши ҳақида огоҳлантирган ҳолда ўтказиб юборганди. Журналистлар билан суҳбатда Дутерте уйқуга тўймагани, лекин хордиқ сабаб ортиқча зўриқиш ҳамда чарчоқдан халос бўлганини маълум қилган.