Беларусь президенти 2016 йил май ойидан бери илк бор Евроиттифоққа йўл олди. Бу ҳақда «РИА Новости» хабар бермоқда.
Александр Лукашенко 2019 йил 11—12 ноябрь кунлари расмий ташриф билан Австрияда бўлади. Бу ерда у мамлакат президенти Александр Ван дер Беллен ва бошқа расмийлар билан музокаралар ўтказиши, қатор икки томонлама ҳужжатлар имзоланиши кўзда тутилган.
Узоқ йиллар Лукашенконинг Евроиттифоқ давлатларига ташрифи унга қарши жорий этилган шахсий санкциялар туфайли имконсиз эди. Бироқ 2016 йилда деярли 20 йил давомида Ғарбнинг сиёсий ва иқтисодий босими остида бўлиб келган Беларусдан, шу билан бирга, унинг етакчисидан ҳам деярли барча санкциялар олиб ташланди.
Шундан сўнг Лукашенко бир неча бор Евроиттифоққа турли тадбирларга таклиф этилган, аммо ташрифлар амалга оширилмаганди.
Изоҳ (0)