Web Summit конференциясининг очилиш маросимида нутқ сўзлаган Huawei компаниясининг амалдаги раиси Го Пин жаҳондаги дастурчилар ҳамжамиятини 5G бошқа технологиялар билан уйғунликда тақдим қиладиган қимматли имкониятдан фойдаланишга чақирди.
Ўзининг «5G+Х янги ақлли даврни яратади» деб номланган нутқида у қандай қилиб 5G+Х сунъий интеллект, катта ахборот, виртуал реаллик (ВР) ва тўлдирилган реаллик (АР) билан ўзаро ҳамоҳангликда худди 20-асрда электр қуввати амалга оширган янги тўлқиндаги тараққиётни яратишини таърифлайди. Бироқ Го Пин таъкидлаганидек, Интернет замонида айнан иловаларни ишлаб чиқадиган дастурчилар молиявий фойданинг асосий қисмини қўлга киритадилар, чинакам қиймат илова ҳамда дастурий таъминотларда бўлганлиги туфайли уларнинг даромадлари жадаллик билан ортиб бормоқда.
Huawei компаниясининг амалдаги раиси жаноб Го Пин Web Summit конференциясининг тантанали очилиш маросимида нутқ сўзламоқда
5G кутилганидан олдинроқ пайдо бўлади
5G тақдим этган янги инновациялар истеъмолчилар томонидан илиқ кутиб олиниб, шу йилнинг охирига қадар 60 та тижорий 5G тармоқларнинг ишга тушиши кутилмоқда.
Жанубий Кореяда 5G йўлга қўйилган санадан 69 кун ўтиб, 1 миллионта фойдаланувчи ушбу тармоққа уланган. Маълумот учун, худди шундай сондаги фойдаланувчиларни йиғиш учун 4G ишга туширилган пайтда 150 кун талаб қилинган.
5G технологиясининг пайдо бўлиши мобил операторлар учун муҳим ҳодиса ҳисобланади: чунки 5G фойдаланувчиси 4G фойдаланувчисига нисбатан ўртача уч маротаба кўпроқ трафик сарфлайди. «Юқори тезлик, қисқа узатиш даври ва қамровли алоқа туфайли, 5G Интернет буюмлар тараққиёти учун қувватли туртки бўлиб хизмат қилади. Келгусида эса тадбиркорлар учун беҳисоб имкониятлар эшигини очади», — дейди жаноб Го.
5G+Х соҳа модернизациясини белгилайди ва иловалар бу жараёнда ҳал қилувчи вазифани бажаради
5G сунъий интеллект, виртуал ва тўлдирилган реаллик сингари бошқа технологиялар билан уйғунликда соҳа модернизациясига қанчалик таъсир қилишини кўрсатиш мақсадида бир нечта мисолларни келтириб ўтди. Мазкур мисолларда 5G 8К аниқликда реал вақт режимида масофадан мусиқий шерикликни таъминлаши; 5G сунъий интеллект ва тўлдирилган реаллик билан биргаликда нефтни қайта ишлайдиган завод ходимларининг хавфсизлигини кучайтириши, шу билан бир қаторда, фойдаланиш ва хизмат кўрсатиш самарадорлигини ошириши ҳамда сунъий интеллект реал вақт жараёнида тиббий текширувларни ўтказишда қай даражада ёрдам бериши намойиш қилинди. Компания раиси илова ва дастурий таъминотлар чинакам қийматни ҳосил қилиши ҳамда триллионлаб АҚШ долларига тенг бўлган мазкур янги бозорда Huawei ҳамкорлари мустаҳкам жой эгаллашини алоҳида қайд қилиб ўтди.
Huawei иловаларни ривожлантиришда кўмаклашишга тайёр
Жаноб Го Huawei Интернет учун асос яратиш мақсадида алоқа операторлари билан яқиндан ишлаётганини таъкидлаб, илова ҳамда дастурий таъминот ишлаб чиқадиган мутахассислар ўз потенсиалларини бутунлай намойиш этиш имкониятига эга эканликларига урғу берди. Келажакда Huawei мобил қурилмалар ва булутли хизматларга ўз эътиборини қаратади. Шунингдек, у 5G+Х таклиф этадиган имкониятларни ишлатишга интилаётган дастурчиларни қўллаб-қувватлашга хизмат қиладиган Huawei яратган платформалар ҳақида ҳам сўз юритди.
Ушбу йўналиш учун компания иккита ташаббус: Huawei Developer 2.0 ва Shining Star дастурларини ишга туширган. Бу мақсадда хитойлик гигант Huawei Developer 2.0 дастурининг қамровини кенгайтириш ҳамда унга 5 миллион нафар дастурчини чорлаш учун 1,5 миллиард доллар сармоя ажратади.
Шу билан бирга, компания Huawei Mobile Services (ҲМС) экотизимига катта миқдордаги юқори сифатли иловаларни жалб қилиш мақсадида 1 миллиард доллар сарфламоқчи; бу экотизим дастурчиларни ўз иловаларини турли сценарийларда қўллаш учун уларни бирлаштириш ва уларга янгиликларни татбиқ этишга рағбатлантириши кўзда тутилган.
Жаноб Го ўз нутқига қуйидаги сўзлар билан якун ясади: «5G+Х — бу янги электр бўлиб, у ақлли дунёнинг асосий омилига айланади. Huawei янги 5G+Х иловаларини яратиш ва интеллектуал даврга қадам ташлаш учун соҳавий дастурчилар ва стартаплар билан яқиндан ҳамкорлик қилишга шайдир».
Го Пин нутқининг тўлиқ версиясини қуйидаги ҳаволада ўқинг:
https://www.huawei.com/en/press-events/news/2019/11/5g-x-will-create-a-smart-new-era
Реклама ҳуқуқи асосида.
Изоҳ (0)