Web Summit konferensiyasining ochilish marosimida nutq so‘zlagan Huawei kompaniyasining amaldagi raisi Go Pin jahondagi dasturchilar hamjamiyatini 5G boshqa texnologiyalar bilan uyg‘unlikda taqdim qiladigan qimmatli imkoniyatdan foydalanishga chaqirdi.
O‘zining “5G+X yangi aqlli davrni yaratadi” deb nomlangan nutqida u qanday qilib 5G+X sun’iy intellekt, katta axborot, virtual reallik (VR) va to‘ldirilgan reallik (AR) bilan o‘zaro hamohanglikda xuddi 20-asrda elektr quvvati amalga oshirgan yangi to‘lqindagi taraqqiyotni yaratishini ta’riflaydi. Biroq Go Pin ta’kidlaganidek, Internet zamonida aynan ilovalarni ishlab chiqadigan dasturchilar moliyaviy foydaning asosiy qismini qo‘lga kiritadilar, chinakam qiymat ilova hamda dasturiy ta’minotlarda bo‘lganligi tufayli ularning daromadlari jadallik bilan ortib bormoqda.
Huawei kompaniyasining amaldagi raisi janob Go Pin Web Summit konferensiyasining tantanali ochilish marosimida nutq so‘zlamoqda
5G kutilganidan oldinroq paydo bo‘ladi
5G taqdim etgan yangi innovatsiyalar iste’molchilar tomonidan iliq kutib olinib, shu yilning oxiriga qadar 60 ta tijoriy 5G tarmoqlarning ishga tushishi kutilmoqda.
Janubiy Koreyada 5G yo‘lga qo‘yilgan sanadan 69 kun o‘tib, 1 millionta foydalanuvchi ushbu tarmoqqa ulangan. Ma’lumot uchun, xuddi shunday sondagi foydalanuvchilarni yig‘ish uchun 4G ishga tushirilgan paytda 150 kun talab qilingan.
5G texnologiyasining paydo bo‘lishi mobil operatorlar uchun muhim hodisa hisoblanadi: chunki 5G foydalanuvchisi 4G foydalanuvchisiga nisbatan o‘rtacha uch marotaba ko‘proq trafik sarflaydi. “Yuqori tezlik, qisqa uzatish davri va qamrovli aloqa tufayli, 5G Internet buyumlar taraqqiyoti uchun quvvatli turtki bo‘lib xizmat qiladi. Kelgusida esa tadbirkorlar uchun behisob imkoniyatlar eshigini ochadi”, — deydi janob Go.
5G+X soha modernizatsiyasini belgilaydi va ilovalar bu jarayonda hal qiluvchi vazifani bajaradi
5G sun’iy intellekt, virtual va to‘ldirilgan reallik singari boshqa texnologiyalar bilan uyg‘unlikda soha modernizatsiyasiga qanchalik ta’sir qilishini ko‘rsatish maqsadida bir nechta misollarni keltirib o‘tdi. Mazkur misollarda 5G 8K aniqlikda real vaqt rejimida masofadan musiqiy sheriklikni ta’minlashi; 5G sun’iy intellekt va to‘ldirilgan reallik bilan birgalikda neftni qayta ishlaydigan zavod xodimlarining xavfsizligini kuchaytirishi, shu bilan bir qatorda, foydalanish va xizmat ko‘rsatish samaradorligini oshirishi hamda sun’iy intellekt real vaqt jarayonida tibbiy tekshiruvlarni o‘tkazishda qay darajada yordam berishi namoyish qilindi. Kompaniya raisi ilova va dasturiy ta’minotlar chinakam qiymatni hosil qilishi hamda trillionlab AQSh dollariga teng bo‘lgan mazkur yangi bozorda Huawei hamkorlari mustahkam joy egallashini alohida qayd qilib o‘tdi.
Huawei ilovalarni rivojlantirishda ko‘maklashishga tayyor
Janob Go Huawei Internet uchun asos yaratish maqsadida aloqa operatorlari bilan yaqindan ishlayotganini ta’kidlab, ilova hamda dasturiy ta’minot ishlab chiqadigan mutaxassislar o‘z potensiallarini butunlay namoyish etish imkoniyatiga ega ekanliklariga urg‘u berdi. Kelajakda Huawei mobil qurilmalar va bulutli xizmatlarga o‘z e’tiborini qaratadi. Shuningdek, u 5G+X taklif etadigan imkoniyatlarni ishlatishga intilayotgan dasturchilarni qo‘llab-quvvatlashga xizmat qiladigan Huawei yaratgan platformalar haqida ham so‘z yuritdi.
Ushbu yo‘nalish uchun kompaniya ikkita tashabbus: Huawei Developer 2.0 va Shining Star dasturlarini ishga tushirgan. Bu maqsadda xitoylik gigant Huawei Developer 2.0 dasturining qamrovini kengaytirish hamda unga 5 million nafar dasturchini chorlash uchun 1,5 milliard dollar sarmoya ajratadi.
Shu bilan birga, kompaniya Huawei Mobile Services (HMS) ekotizimiga katta miqdordagi yuqori sifatli ilovalarni jalb qilish maqsadida 1 milliard dollar sarflamoqchi; bu ekotizim dasturchilarni o‘z ilovalarini turli ssenariylarda qo‘llash uchun ularni birlashtirish va ularga yangiliklarni tatbiq etishga rag’batlantirishi ko‘zda tutilgan.
Janob Go o‘z nutqiga quyidagi so‘zlar bilan yakun yasadi: “5G+X — bu yangi elektr bo‘lib, u aqlli dunyoning asosiy omiliga aylanadi. Huawei yangi 5G+X ilovalarini yaratish va intellektual davrga qadam tashlash uchun sohaviy dasturchilar va startaplar bilan yaqindan hamkorlik qilishga shaydir”.
Go Pin nutqining to‘liq versiyasini quyidagi havolada o‘qing:
https://www.huawei.com/en/press-events/news/2019/11/5g-x-will-create-a-smart-new-era
Reklama huquqi asosida.
Izoh (0)