Тошкент шаҳрининг Бектемир туманида фуқароларни Кореяга ишга юбориш эвазига уларнинг пулларини фирибгарлик йўли билан қўлга киритган шахс аниқланди.
Бош прокуратура матбуот котиби Ҳаёт Шамсутдиновнинг маълум қилишича, фуқаро М.М. 5 нафар фуқарони Кореяга ишга юбориш эвазига уларнинг жами 25 550 долларини фирибгарлик йўли билан қўлга киритиб, шахсий эҳтиёжлари учун ишлатиб юборган.
Мазкур ҳолат юзасидан М.М.га нисбатан Жиноят кодексининг 168-моддаси (Фирибгарлик) билан жиноят иши қўзғатилиб, тергов ҳаракатлари ўтказилмоқда.
Изоҳ (0)