Ўзбекистон Фанлар академияси Ботаника институти олимлари тадқиқотлари асосида Ўзбекистон «Қизил китоби»нинг янги нашри чоп этишга тайёрланмоқда. Бу ҳақда Ахборот ва оммавий коммуникациялар агентлигида бўлиб ўтган матбуот анжуманида маълум қилинди, деб хабар беради ЎзА.
Фанлар академияси вице-президенти, академик Бахтиёр Ибрагимов ва бошқалар «Қизил китоб»ни юритишда, республикада йўқолиб бораётган камёб, ноёб ўсимлик турларини сақлаб қолиш учун муҳим муаммоларни ҳал қилишда Ботаника институти олимлари тадқиқотларининг роли муҳим аҳамият касб этаётганини таъкидлаган.
Шунингдек, Бахтиёр Ибрагимов «Қизил китоб»нинг янги нашри бор йўғи 1000 нусхада чоп этилаётганини, бунга маблағ камлиги сабаб бўлаётганини билдирган.
Зоология институти олимлари томонидан олиб борилган тадқиқотлар натижасида «Қизил китоб»нинг навбатдаги сонига киритиладиган ва ундан чиқариладиган турлар тўғрисида илмий маълумотлар йиғилди, ушбу маълумотларни таҳлил этиш билан бир вақтда расмий нашрларга киритиш учун ҳар бир турлар бўйича суратли илмий мақолалар тайёрланди. Шунингдек, бу давр ичида Ўзбекистон Республикаси «Қизил китоби»нинг ҳайвонот дунёсига оид иккинчи қисми нашрга тайёр ҳолатга келтирилди.2019 йилнинг охиригача чоп этилиши режалаштирилаётган янги таҳрирдаги «Қизил китоб»га амалдаги «Қизил китоб» рўйхатидан 8 та тур чиқарилган ҳолда 15 тур киритилган. Ушбу янги нашр умумий муҳофазага муҳтож бўлган, йўқолиб кетиш арафасида турган камёб 314 ўсимлик турларини ўз ичига олган.Жалолиддин Азимов, Фанлар академияси Зоология институтининг бош илмий ходими
Изоҳ (0)