Жорий йилнинг октябрь ойида «Ўзнефтгазинспекция» мутахассислари томонидан «Қарши нефть базаси» жамияти ва унга қарашли филиалларда текширув ўтказилди. Бу ҳақда «Ўзнефтегазинспекция» ахборот хизмати хабар берди.
«Қарши нефть базаси» ва унга қарашли филиалларда нефть маҳсулотлари сиғимларидаги маҳсулотнинг ҳақиқий қолдиғи билан ҳисобхона қолдиғи таққосланганда ҳамда сифат таҳлили учун намуналар олинганда жами 11 миллиард 535 миллион сўмлик манбалар аниқланган.
Жумладан, 220,3 миллион сўмлик 38,4 тонна камомад, 50,9 миллион сўмлик 5,7 тонна ортиқчалик, 160,1 миллион сўмлик 26,4 тонна асоссиз ҳисобдан чиқариш, 514,6 миллион сўмлик 97 703 литр маҳсулот сифати бузилганлиги ҳамда 7 миллиард 512 миллион сўмлик 3850 тонна нефть маҳсулотларни «Ўзбекнефтегаз» АЖ рухсатисиз АЁҚШларга имтиёзли нархларда тарқтиш ҳолатлари аниқланди.
Бундан ташқари, жамиятга қарашли сиғимларда сақланаётган сиғимлардан нефть маҳсулотларнинг сифатини аниқлаш учун намуналар олиниб «Ўзнефтегазинспекция»нинг Тошкент назорат-кимё лабораториясига топширилган. Сифат таҳлили натижасида жами 514,6 миллион сўмлик 97 703 литр нефть маҳсулотлари сифати бузилганлиги аниқланди.
Назорат ва таҳлил натижалари бўйича расмийлаштирилган ҳужжатлар ҳуқуқни муҳофаза қилиш органларига тақдим этилган.
Изоҳ (0)