Тошкентда АТБ «Ипотекабанк»нинг ҳудудий филиалларидан бирининг мансабдор шахсларига пора бериш орқали танишига катта миқдорда кредит олишга ёрдам бериш учун 30 минг доллар талаб қилган шахс қўлга олинди. Бу ҳақда Бош прокуратура матбуот хизмати хабар берди.
Маълум бўлишича, «Ф.Р» МЧЖ раҳбари Д.И. фуқаро С.А.нинг ишончига кириб, унга АТБ «Ипотекабанк»нинг ҳудудий филиалларидан бирининг мансабдор шахсларини моддий манфаатдор қилиш орқали 1,3 миллион евро миқдорида кредит маблағлари ажратилишида амалий ёрдам беришни ваъда қилган.
Ушбу хизмати эвазига ундан 30 минг долларни фирибгарлик йўли билан талаб қилиб олаётган вақтида ашёвий далиллар билан қўлга олинган.
Ҳолат юзасидан Д.И. ва бошқаларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)