Сурхондарёнинг Шўрчи туманида фуқаро Ч.Б.нинг 4 йилдан бери ололмаган қарзи ундириб берилди. Бу ҳақда «Дарё»га МИБ матбуот хизмати хабар берди.
Маълум бўлишича, Ч.Б. яқин танишига 12 минг 700 долларни 2015 йилнинг 10 март куни 4 ой муддатга қарз сифатида бериб турган. 4 ой муддатга деб олинган қарз 3 йилда ҳам қайтарилмагач, Ч.Б. фуқаролик ишлари бўйича Денов туманлараро судига мурожаат қилган.
Фуқаролик ишлари бўйича Денов туманлараро суди томонидан унинг даъво аризаси қисман таъминланиб, 12 минг долларнинг миллий валютага нисбатан қиймати, яъни 97 миллион 756 минг 560 сўм миқдоридаги қарз ундириш белгиланган.
Ижро ҳаракатлари давомида МИБнинг Шўрчи тумани бўлими томонидан белгиланган қарз тўлиқ ундрилиб, Ч.Б.га тилхат асосида топширилган.
Изоҳ (0)