Қашқадарё вилояти Китоб туманида акциз маркаси қалбаки бўлган 134 миллион сўмлик ароқ маҳсулотлари сақланаётган омборхона аниқланди. Бу ҳақда Бош прокуратура «Дарё»га маълум қилди.
Хабар берилишича, Бош прокуратура ҳузуридаги Иқтисодий жиноятларга қарши кураш Департаментининг Китоб туман бўлими томонидан вилоят Давлат молиявий назорати бошқармаси ходимлари билан ҳамкорликда текширув ўтказилган.
Текширувда «Китоб ш.савдо» МЧЖ омборида савдога чиқариш учун сақланаётган умумий қиймати 134,9 миллион сўмлик 8857 дона ароқ маҳсулотидаги акциз маркалар қалбаки эканлиги аниқланган.
Мазкур ҳолат юзасидан Жиноят Кодексининг 176-моддасига асосан жиноят иши қўзғатилиб, тергов ҳаракатлари ўтказилмоқда.
Изоҳ (0)