Ўзбекистон Россиядан «Тайфун» зирҳли автомобилларининг катта туркумини харид қилди

Ўзбекистон Россиядан «Тайфун» зирҳли автомобилларининг катта туркумини харид қилди. Бу ҳақда Россия мудофаа-саноат комплексидаги манбага таяниб, «РИА Новости» хабар бермоқда.

«Ўзбекистонга 4х4 ‘Тайфун’ зирҳли автомобилларининг катта туркумини етказиб беришга шартнома имзоланди. Мазкур ҳарбий техникани етказиш шу йил бошланади», — деди агентлик манбаси.

Ўзбекистон 2019 йилда Россиянинг БТР-82А зирҳли ташувчилари, «Тигр» зирҳли автомобиллари, «Сопка-2» радиолокация станциясини сотиб олганди. Шунингдек, мамлакатга 12 та Ми-35М транспорт-ҳарбий вертолётларини етказиб бериш бўйича шартнома ҳам имзоланган.

Маълумот учун, «Тайфун» кучайтирилган ҳимоя қатламига эга зирҳли автомобиллар оиласига мансуб бўлиб, илк бор 2011 йилда полигонда намойиш этилган.