Япониянинг Окинава оролида 3 нафар АҚШ денгиз пиёдаси полициячиларга ҳужум қилгани учун қўлга олинди. Бу ҳақда «ТАСС» хабар бермоқда.
Ҳодиса 27 октябрь, якшанба куни Онна курорт посёлкаси йўлида содир бўлган. Денгиз пиёдалари патрул машинасига бир неча бор зарба бергани ва бошқа полиция автомобили олди ойнасини синдиргани айтилмоқда.
Тергов идораларига кўра, ҳибсга олинганлар маст ҳолатда бўлган.
Маълумот учун, Окинава оролида АҚШнинг Япониядаги асосий ҳарбий объектлари жойлашган. Ҳозирда уларнинг бир қисмини Тинч океанидаги Қўшма Штатларга қарашли Гуам оролига кўчиришга тайёргарлик кўрилмоқда.
Изоҳ (0)