Москвадаги Лефортово суди Доғистоннинг собиқ бош вазири вазифасини бажарувчи Абдусамад Гамидовни 40 миллион рубль (627 минг доллар) бюджет маблағини талон-торож қилганлик иши бўйича 6,5 йил қамоқ жазосига ҳукм қилди. Бу ҳақда Meduza хабар бермоқда.
Унинг ўринбосари Раюдин Юсуфов ҳам шу иш доирасида 5,5 йил олди.
Собиқ мансабдорларнинг иккиси ҳам жазони умумий тартибдаги колонияда ўтайди. Улардан етказилган зарар суммаси ҳам ундириб олинади.
Россия Тергов қўмитаси матбуот хизматига кўра, бу Гамидов ва Юсуфов айбланаётган жиноятлардан фақат биргина ҳолат бўлиб, Махачқалъада хорижликлар ва фуқаролиги бўлмаган шахсларни вақтинча сақлаш биноси таъмири учун бюджетдан 40 миллион рубл ажратилиши билан боғлиқ.
Изоҳ (0)