26 октябрь, шанба куни тунда Суриянинг Идлиб вилоятида ўтказилган операция вақтида ўлган ИШИД раҳнамоси Абу Бакр ал-Бағдодийнинг жасади қолдиқлари Ироққа олиб келинди. Бу ҳақда Al Sumariya телеканали ўз манбаларига асосланиб хабар берди, деб ёзган «ТАСС».
Ал-Бағдодийнинг жасади бўлаклари Анбар вилоятидаги АҚШ ҳарбийлари жойлаштирилган Айн ал-Асад ҳарбий базасига олиб келинган. Хабарга кўра, ИШИД етакчиси Ироқ ҳудудига дафн қилиниши мумкин. Аввал операция вақтида ўзини-ўзи портлатиб юборган Бағдодийнинг танаси бўлаклари денгизга оқизилиши хабар қилинган.
27 октябрь, якшанба куни АҚШ президенти Дональд Трамп Бен Ладен ўлимидан кейин дунёда биринчи рақамли террорчи бўлиб турган Ал-Бағдодийнинг Суриянинг Идлиб вилоятидаги операция вақтида йўқ қилинганини эълон қилган. Трамп Россия, Ироқ, Сурия, Туркия ва курдларга операцияни амалга оширишда берилган ёрдамлар учун миннатдорчилик билдирган. Бироқ Россия мудофаа вазирлиги Бағдодийнинг ўлганини исботловчи ишончли далиллар йўқ эканлигини маълум қилган.
Мавзуга доир: ИШИД етакчиси Абу Бакр ал-Бағдодий қандай йўқ қилинди?
Абдулла Қардош — Саддам Ҳусайн бошқаруви вақтида Ироқ ҳарбий хизматида офицер бўлган, собиқ ҳарбий. Келиб чиқиши туркман миллатига мансуб Қардош Ироқнинг Тал-Афар шаҳрида яшаган, у Ал-Бағдодий билан ўн йилдан ортиқ вақт давомида бирга юрган ва Буккадаги Америка ҳарбийларининг асирлар лагерида ҳам ИШИД етакчиси билан бирга жазо муддатини ўтаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)