Ўзбекистон Республикаси таълим муассасаларига ўқишга қабул қилиш бўйича Давлат комиссиясининг 2019 йил 21 октябрдаги қарорига асосан 2019/2020-ўқув йилида ОТМлар бакалавриатига тўлов-контракт асосида талабаликка тавсия этилган талабалар учун шартнома пулини тўлашнинг сўнгги муддати этиб 2019 йилнинг 20 ноябри белгиланди. Бу ҳақда Адлия вазирлиги хабар берди.
Маълум қилинишича, табақалаштирилган тўлов-контракт асосида ўқиш истагини билдирган абитуриентлар, ўқиши кўчирилган ва қайта тикланган талабалар ўқиши учун тўлов ҳақини ўтказиш учун ҳам сўнгги муддат сифатида мазкур сана белгиланган.
20 ноябрга қадар ўқиши кўчирилган ва қайта тикланган талабаларни ўқишга қабул қилиш бўйича расмийлаштириш ишлари ҳам якунланиши керак.
Аввалроқ 2019/2020-ўқув йилида олий таълим муассасалари бакалавриатига тўлов-контракт асосида талабаликка тавсия этилган абитуриентлар учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 15 октябрь этиб белгилангани ҳақида хабар берилган эди.
Изоҳ (0)