Қўқон ҳокимлиги қабристон девори нураб, ҳатто жасад суяклари кўринаётгани ҳақидаги хабарга муносабат билдирди

Қўқон шаҳридаги «Катта» қабристон девори ҳолати юзасидан ижтимоий тармоқларда тарқатилган хабар юзасидан Қўқон шаҳар ҳокимлиги муносабат билдирди.

Хабарларда қабристон деворлари нураб қулай деб қолгани, ҳатто жасадлар суяги кўриниб қолгани айтилган. Шунингдек, қабристонга чегарадош ерда маҳалла болалари ўйнаши, уларни девор босиб қолишидан одамлар хавотирда эканлиги билдирилган.

Қайд этилишича, шу йилнинг 18 октябрь куни, соат 03:20 ларда 18-МФЙ ҳудудида жойлашган «Катта» қабристоннинг Меҳнатобод кўчаси билан туташ бўлган томонининг тахминан 6—7 метр узунликдаги қисм фундаменти деформацияси натижасида қулаб тушган.

Шу куниёқ қабристон маъмурияти жамоатчилик билан биргаликда қулаб тушган девор атрофини тозалаб, тиклаш ишларини бошлаб юборган.

Ҳозирги кунда деворни тиклаш ишлари давом этмоқда. Қабр ва сағаналарга зиён етмаган.