Монополияга қарши курашиш қўмитаси томонидан хўжалик юритувчи субъектларнинг устав фондидаги акцияларни олиш ҳамда хўжалик юритувчи субъектларни қўшиб юбориш ва қўшиб олишга оид битимларга олдиндан розилик бериш бўйича давлат хизматларини кўрсатиш юзасидан Маъмурий регламентлар ишлаб чиқилди ва Вазирлар Маҳкамасига тасдиқлаш учун киритилди. Бу ҳақда қўмита матбуот хизмат хабар берди.
Бу давлат органлари томонидан тадбиркорлик субъектлари ва аҳолига кўрсатиладиган интерактив давлат хизматлари кўрсатиш жараёнини барча жабҳаларда фаол амалга ошириш имконини беради.
Шу муносабат билан, иқтисодий концентрация бўйича битимларга монополияга қарши органнинг олдиндан розилигини олиш учун ариза беришнинг янги тартибини жорий этиш таклиф қилинди. Иқтисодий концентрация бўйича битимларни амалга ошириш учун монополияга қарши органнинг олдиндан розилигини олиш учун аризалар Давлат хизматлари марказлари орқали, шунингдек Ягона инерактив давлат хизматлари портал орқали берилиши мумкин.
Шунингдек, монополияга қарши органнинг олдиндан розилигини олишда рухсат бериш тартиб-таомилларининг шаффофлиги таъминланади. Хизматларни тақдим этишнинг ҳар бир босқичида аризаларни кўриб чиқиш жараёнини кузатиб бориш тартиби жорий этилади.
Бундай мурожаатларни кўриб чиқиш муддати ўн кундан ошмаслиги лозимлигини ҳисобга олиб, идоралараро ҳамкорлик орқали амалга ошириладиган янги тартиб монополияга қарши орган томонидан хўжалик юритувчи субъектларнинг устав фондидаги акцияларни олиш ҳамда хўжалик юритувчи субъектларни қўшиб юбориш ва қўшиб олиш бўйича келиб тушадиган мурожаатларни кўриб чиқиш самарадорлигини ва тезкорлигини оширади.
Мазкур Регламентлар тасдиқлангандан кейин Монополияга қарши курашиш қўмитаси томонидан ушбу Регламентларнинг мазмун моҳиятива амалий қўлланилишини тушунтириш юзасидан қатор семинарлар ўтказилади.
Изоҳ (0)