Евроиттифоқ давлатлари Брюсселдаги саммитда Brexit бўйича янгиланган келишувни маъқуллади. Бу ҳақда Еврокенгаш раҳбари Дональд Туск маълум қилди, дея хабар бермоқда «РИА Новости».
«Барчаси биз бу йўлнинг якунига етиб келганимизни кўрсатмоқда», — деди Туск.
Саммит баёнотида «Еврокенгаш Буюк Британия қўшма қироллиги ва Шимолий Ирландиянинг Европа Иттифоқидан чиқиши ҳақидаги келишувни маъқуллайди» дейилади ва Еврокомиссия, Европарламент ҳамда Еврокенгашга келишув жорий йил 1 ноябрдан кучга киришини таъминлаш учун зарур ҳаракатларни амалга ошириш тавсия этилади.
Тузилмага аъзо давлатлар Евроиттифоқ ва Буюк Британия ўртасидаги бўлажак муносабатлар доирасини белгиловчи сиёсий декларацияни ҳам маъқуллади.
Изоҳ (0)