Yevroittifoq davlatlari Bryusseldagi sammitda Brexit bo‘yicha yangilangan kelishuvni ma’qulladi. Bu haqda Yevrokengash rahbari Donald Tusk ma’lum qildi, deya xabar bermoqda “RIA Novosti”.
“Barchasi biz bu yo‘lning yakuniga yetib kelganimizni ko‘rsatmoqda”, — dedi Tusk.
Sammit bayonotida “Yevrokengash Buyuk Britaniya qo‘shma qirolligi va Shimoliy Irlandiyaning Yevropa Ittifoqidan chiqishi haqidagi kelishuvni ma’qullaydi” deyiladi va Yevrokomissiya, Yevroparlament hamda Yevrokengashga kelishuv joriy yil 1-noyabrdan kuchga kirishini ta’minlash uchun zarur harakatlarni amalga oshirish tavsiya etiladi.
Tuzilmaga a’zo davlatlar Yevroittifoq va Buyuk Britaniya o‘rtasidagi bo‘lajak munosabatlar doirasini belgilovchi siyosiy deklaratsiyani ham ma’qulladi.
Izoh (0)