Соғлиқни сақлаш вазирлиги томонидан ижтимоий тармоқларда Қарши шаҳар туғруқ мажмуаси ходимларининг беморлардан таъмагирлик қилиш ҳолатлари ҳақида берилган танқидий видеолавҳа ўрганилди. Бу ҳақда ЎзА хабар бермоқда.
Аниқланишича, мазкур ҳолат ҳақиқатан ҳам Қарши шаҳар туғруқ мажмуасида рўй берган. Айни пайтда ҳуқуқни муҳофаза қилиш идоралари томонидан ҳам мазкур вазият ўрганилмоқда.
Таъкидланишича, Соғлиқни сақлаш вазирлиги мутахассислари томонидан ҳам мазкур ҳолат текширилиб, бундай нохуш ҳолат содир этилишига йўл қўйган ходимларга нисбатан қатъий чора кўрилди. Жумладан, туғруқ мажмуасининг уч нафар шифокори ва бир нафар ҳамшираси ҳамда тегишли қонун талабларига риоя этилиши борасида назоратни сусайтиргани учун Қарши шаҳар туғруқ мажмуаси бош шифокори Салима Очилова эгаллаб турган вазифасидан озод этилган.
Шу билан бирга, мурожаатда қайд этилган она ва боланинг саломатлиги Соғлиқни сақлаш вазирлиги томонидан алоҳида назоратга олинган.
Изоҳ (0)