Руфат Сайлиев 9 октябрдан Янгийўл шаҳри ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига тайинланди, дея хабар бермоқда Тошкент вилояти ҳокимлиги матбуот хизмати.
Фото: Тошкент вилояти ҳокимлиги ахборот хизмати
Руфат Сайлиев 1984 йил 8 декабрда Тошкент вилоятининг Бўстонлиқ туманида туғилган. Миллати — тожик. 2009 йилда Ўзбекистон давлат жисмоний тарбия институтини тамомлаган. «Ўзбекистон белгиси» кўкрак нишони соҳиби. Меҳнат фаолияти давомида Ёшлар иттифоқи Марказий ва ҳудудий Кенгашларида турли вазифаларда фаолият юритган.
Вилоят ҳокимлиги ахборот хизматининг қўшимча қилишича, Маъмуржон Норбоев 9 октябрдан Янгийўл тумани ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига тайинланган.
Фото: Тошкент вилояти ҳокимлиги ахборот хизмати
Маъмуржон Норбоев 1984 йил 2 ноябрда Сурхондарё вилоятининг Узун туманида туғилган. Миллати — ўзбек. 2007 йилда Самарқанд қишлоқ хўжалиги институтини, 2015 йилда Тошкент давлат педагогика университетини тамомлаган.
Меҳнат фаолияти давомида таълим соҳасида бир қатор вазифаларда ҳамда Янгийўл тумани ҳокимлигида масъул лавозимларда ишлаган.
