Бугун,

  • USD 11014.01
  • RUB 191.8
  • EUR 10674.78

Афғонистоннинг Нангархар вилояти Жалолобод шаҳрида микроавтобус яқинида портлаш амалга оширилиши оқибатида камида 10 киши ҳалок бўлган ва 27 киши тан жароҳати олган, деб хабар бермоқда «Известия».

Фото: Reuters

Фото: Reuters

Ҳодиса Афғонистон ёллаш марказига тегишли, ҳарбийлар бўлган микроавтобус ёнида миналаштирилган мототциклнинг портлаши оқибатида содир бўлган. Талофат кўрганлар оғир аҳволда шифохоналарга етказилган. Ҳалок бўлганлар орасида бир нафар бола борлиги хабар қилинмоқда.

Юз берган ҳодиса бўйича масъулиятни мамлакатдаги ҳеч бир террористик ташкилот ўз зиммасига олмаган. Аввал мамлакатда содир бўлган бошқа бир портлашда 3 киши қурбон бўлганди.

17 сентябрда Парвон вилоятида Афғонистон президентлиги учун сайловларда Муҳаммад Ашраф Ғанининг сайловолди нутқи вақтида ҳам портлаш амалга оширилган ва ушбу террористик ҳаракат учун масъулиятни «Толибон» ҳаракати ўз зиммасига олганди. 28 сентябрда ҳам сайловлар вақтида бир нечта сайлов участкаларида портлашлар амалга оширилган ва «Толибон» ҳаракати сайловларга халақит қилиш мақсадида 8 нафар кузатувчини ўғирлаб кетганди.

Изоҳ
Асосий янгиликлар