Футбол бўйича Италия А Сериясининг 7-турига 5 октябрь, шанба куни старт берилди.

Фото: Twitter/@acmilan

Марко Жампаоло қўл остидаги «Милан» клуби меҳмонда «Женоа» билан баҳсга киришди.

Беллашувнинг 41-дақиқасида мезбон жамоа ярим ҳимоячиси Лассе Шёне ҳисобни очган бўлса, 51-дақиқага келиб «россонерилар» ҳимоячиси Тео Эрнандес ҳисобни тенглаштирди (1:1). Орадан 6 дақиқа ўтиб ҳакам томонидан «Женоа» дарвозаси томон пенальти белгиланди. Ундан миланликлар вакили Франк Кессиэ унумли фойдаланиб жамоасини ҳисобда олдинга олиб чиқди.

Шу тариқа ўйин 2:1 ҳисобида «Милан» фойдасига якунланди.

Қайд этиш жоиз, беллашув давомида «Женоа» ҳимоячиси Давиде Бираски (56) ҳамда «Милан» аъзоси Давиде Калабрия (79) қизил карточка билан жазоланди. Бундан ташқари Риккардо Сапонара (45, «Женоа») ва Самюэль Кастильехо (90, «Милан») ҳам майдонга тушмаган бўлса-да, қизил карточка ишлаб олди.

Макзур ғалабадан сўнг «Милан» очколари сонини 9 тага етказиб олди ва мусобақа жадвалида 11-ўринга кўтарилиб олди. 19-ўринда бораётган «Женоа» ҳисобида эса 5 очко мавжуд.

А Серия

7-тур баҳси

5 октябрь, шанба

СПАЛ—«Парма» 1:0

Гол: 1:0 — 31 Петанья

«Верона»—«Сампдория» 2:0

Голлар: 1:0 — 9 Кумбула, 2:0 — 81, автогол Мурру

«Женоа»—«Милан» 1:2

Голлар: 1:0 — 41 Шёне, 1:1 — 51 Тео, 1:2 — 57, пенальти Кессиэ

«Женоа»: Раду, Гильоне, Сапата, Ромеро, Паяч, Шёне, Лерагер (Пандев, 88), Радованович, Кришито (Бираски, 11), Пинамонти (Фавилли, 73), Куаме

«Милан»: Рейна, Романьоли, Калабрия, Тео, Лео Дуарте, Биглия, Кессиэ, Бонавентура (Конти, 81), Чалхонўғлу (Лукас Пакета, 46), Сусо, Пёнтек (Рафаэл Леау, 46)

Огоҳлантиришлар: Сапата (23), Калабрия (43), Биглия (62), Лерагер (64), Шёне (67), Лукас Пакета (84), Ромеро (88)

Четлатишлар: Сапонара (45), Бираски (56), Калабрия (79), Кастильехо (90)

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!