Туркия вице-президенти Фуат Ўктай Европа Иттифоқидан суриялик қочоқларни Сурия шимолидаги хавфсиз ҳудудга кўчириш бўйича ёрдам сўради, деб хабар беради DW.
«Икки миллионга яқин суриялик хавфсиз ҳудудга ихтиёрий равишда кўчиб ўтади деган умиддамиз. Биз зарур инфратузилмани—вақтинча ва доимий бошпаналар, шифохона ва мактаблар қуришимиз керак», — дейди Фуат Ўктай.
Вице-президент бу каби таклифни Анқарада Германия ички ишлар вазири Хорст Зеехофер ва Миграция масалалари бўйича еврокомиссар Димитрис Аврамопулос билан бўлиб ўтган учрашувда маълум қилган.
Ўктайнинг сўзларига кўра, қочоқларни кўчириш бўйича лойиҳа режаси тайёр. «Бироқ уни амалга ошириш учун минтақадаги бунга алоқаси бор барчанинг, асосан, Европа Иттифоқининг қўллаб-қувватлови керак», — дейди вице-президент.
Мавзуга доир:
- Туркия ўз ҳудудига 3 млн суриялик қочоқнинг 100 минг нафарини 2017 йил охиригача Сурияга қайтармоқчи
- БМТ: Туркия, Ливан, Иордания, Ироқ ва Мисрда жами 5 млн суриялик қочоқ бор
- «Рукбан» қочоқлар лагерида 2 ҳафта ичида 14 киши ҳалок бўлди
- БМТ: Қочоқлар лагерига кетаётган 80 нафар суриялик йўлда вафот этган
Изоҳ (0)