Бокс бўйича Ўзбекистон терма жамоаси делегацияси Россия мезбонлик қилган Жаҳон чемпионатидан 23 сентябрь куни қайтиб келди.
Ислом Каримов номидаги Тошкент халқаро аэропортида қаҳрамон боксчиларни тантанали кутиб олиш маросими ташкил этилди.
Маросимда Бош вазири ўринборсари Очилбой Раматов, Жисмоний тарбия ва спорт вазири Дилмурод Набиев, Миллий олимпия қўмитаси президенти Рустам Шоабдураҳмонов, Маданият вазирининг биринчи ўринбосари Озодбек Назарбеков, кенг спорт жамоатчилиги, боксчиларнинг оила аъзолари, мухлислар ҳамда оммавий ахборот воситалари ходимлари иштирок этди.
Маълумот учун, Ўзбекистон терма жамоаси 3 та олтин, 1 та кумуш ва 1 та бронза медал билан умумжамоа ҳисобида мусобақани биринчи ўринда якунлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)