Россиянинг Екатеринбург шаҳри мезбонлик қилаётган бокс бўйича Жаҳон чемпионатининг +91 кг вазн тоифасида финал жанги якунланди.
Унда Баҳодир Жалолов қозоғистонлик Камшибек Конкабаевга қарши рингга чиқди. Учала раундда ҳам Жалолов рақибидан устун келди ва ғалабага эришди.
Шу тариқа Баҳодир Жаҳон чемпионати олтин медалига эга чиқди. Қайд этиш жоиз, бу Баҳодир—Камшибек ўртасидаги 5-жанг эди. Ҳисоб 3-2 Баҳодир фойдасига.
Эслатиб ўтамиз, аввалроқ -52 кг вазн тоифаси вакили Шаҳобиддин Зоиров ҳамда -57 кг вазнли Миразизбек Мирзаҳалиловлар Ўзбекистон ҳисобига иккита олтин медални ёздириб қўйди. Бундан ташқари -81 кг вазнли Дилшодбек Рўзметов терма жамоа учун кумуш медал келтирганди.
Натижада Ўзбекистон терма жамоаси 3 та олтин, 1 та кумуш ва 1 та бронза медал билан умумжамоа ҳисобида мусобақани биринчи ўринда якунлади.
Жанг видеосини «Дарё»нинг Telegram’даги расмий спорт канали — @daryo_sport’да томоша қилишингиз мумкин.
Изоҳ (0)