20 сентябрь куни халқ депутатлари Сариосиё тумани Кенгашининг навбатдан ташқари сессияси ўтказилди. Унда вилоят ҳокими Тўра Боболов, туман Кенгаши депутатлари, вилоят ва туман ҳокимликлари вакиллари, корхона ва ташкилотлари раҳбарлари, шунингдек, Президентнинг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси Шерзод Кудбиев иштирок этди.
Сурхондарё ҳокимлиги матбуот хизматининг «Дарё»га маълум қилишича, сессияда Асқарали Жўраев Бойсун тумани ҳокими этиб тайинланганлиги муносабати билан шу кунгача Бойсун тумани ҳокими лавозимида ишлаб келган Ўктам Тўраев Сариосиё тумани ҳокими этиб тасдиқланди.
Маълумот ўрнида, Тўраев Ўктам Исмоилович 1979 йилнинг 25 октябрида Музработ туманида туғилган. 2000 йилда Термиз давлат университети, 2002 йилда Тошкент автомобиль-йўллар институти, 2011 йилда Ўзбекистон Республикаси Президенти ҳузуридаги Давлат бошқаруви академиясини тамомлаган. 2017 йилда Бойсун тумани ҳокими этиб тайинлангунга қадар Музработ тумани ҳокимининг биринчи ўринбосари лавозимида ишлаган.
Шунингдек, 20 сентябрь куни халқ депутатлари Узун тумани Кенгашининг навбатдан ташқари сессияси шу кунгача Музработ тумани ички ишлар бўлими бошлиғи лавозимида ишлаб келган Турсунов Баҳром Бобохонович Узун тумани ҳокими этиб тайинланди.
Маълумот ўрнида, Турсунов Баҳром Бобохонович 1981 йилнинг 12 ноябрида Қумқўрғон туманида туғилган. 2003 йилда Ўзбекистон Республикаси Ички ишлар академиясини тамомлаган. Фаолияти давомида Сурхондарё вилояти ички ишлар бошқармаси тизимида турли лавозимларда ишлаган.
Аввалроқ Сурхондарё вилоятининг Бойсун, Қумқўрғон ва Шўрчи туманларига янги ҳокимлар, вилояти ҳокими Тўра Боболовга эса иккита янги ўринбосар тайинлангани ҳақида хабар берилганди.
Изоҳ (0)