Airbus авиасозлик концерни йўловчи ва юк авиаташувларининг 20 йиллик тараққиёт прогнозини эълон қилди, деб ёзмоқда «Коммерсантъ».
Ҳужжатга кўра, 2038 йилга бориб авиакомпанияларга 39 мингта янги самолёт керак бўлади.
Жаҳон йўловчи ва юк ташувчи самолётлар 2038 йилга бориб икки баробардан ҳам кўпроққа ошади — ҳозирги 23 мингдан 48 мингтагача етади.
Компания мутахассисларининг тахминига кўра, айни вақтда фойдаланилаётган самолётлардан фақат 8470 таси 20 йилдан кейин ҳам учишга яроқли ҳолатда бўлади.
Airbus маълумотлари бўйича авиаташувлар йилига тахминан 4,3 фоизга ўсади. Бу эса қўшимча 550 минг учувчи ва 640 минг техник ходимни талаб қилади.
Изоҳ (0)