МДҲ давлатлари ичида илк бор Ўзбекистонда оқ доғларни бутунлай даволаш имкони пайдо бўлди

Республика ихтисослаштирилган дермотовенерология ва косметология илмий-амалий тиббиёт маркази МДҲ давлатлари ичида илк бор Ўзбекистонда оқ доғларни жарроҳлик усули билан бутунлай даволашни йўлга қўйди.

Ўзбекистондаги Республика ихтисослаштирилган дермотовенерология ва косметология илмий-амалий тиббиёт маркази МДҲ давлатлари орасида илк бор витилиго (теридаги оқ доғлар) касаллигини жарроҳлик усули билан бутунлай даволашни йўлга қўйди.Чет элга бориб ортиқча маблағ сарфланмайди

«Президентимиз топшириғи ва соғлиқни сақлаш соҳасини янада такомиллаштириш чора-тадбирлари тўғрисидаги давлат дастури асосида RIDVKIATMга жаҳондаги энг нуфузли компанияларнинг лазер аппаратлари олиб келинди. АҚШда ишлаб чиқарилган, дунёда ўз бренди ва нуфузига эга бўлган Candella компаниясига тегишли Picoway ҳамда Vbeam Perfecta каби техникалар юртимизга олиб келинди.

Бу лазер технологиялар ёрдамида эндиликда тери касалликларининг кўпларига даво топилди. Авваллари чет элга бориб, ортиқча маблағ сарфлаш эвазига амалга ошириладиган бундай амалиётини энди Ўзбекистонда қилса бўлади», — дейилади марказ ахборотида.

Бу жарроҳлик усули — соғлом теридан меланоцитларни кўчириб ўтказиш бўлиб, оқ доғларни чоксиз усулда даволашдир.

Энг кучли ва сифатлиси

268 минг АҚШ долларига келинган бу лазер технологиялар дунё тиббиётида кенг фойдаланиладиган энг кучли ва сифатлиси ҳисобланади. Келтирилган замонавий тиббий техникалар ёрдамида юздаги ва теридаги турли нуқсонлар ва касалликлардан осонгина халос бўлиш мумкин.

Қайд этиш лозим, бундай мураккаб жарроҳлик амалиёти МДҲ давлатлари орасида илк бора айнан Ўзбекистонда амалга оширилмоқда. Энди ҳеч қандай чоксиз, оғриқларсиз лазер технологиялар орқали касалликдан қутулиш имкони бор.

Бундай янгилик нафақат соғлиқни сақлаш соҳасида катта ютуқ, балки туризм соҳаси ривожига ҳам улкан ҳисса қўшади. Авваллари беморлар ривожланган Европа мамлакатларига бориб бундай жарроҳлик амалиётини ўтаб қайтган бўлса, МДҲ мамлакатлари аҳолиси энди Ўзбекистонга ташриф буюради. Бундай ҳаракатлар албатта Ўзбекистон имижини халқаро миқёсда янада юксалтиришга қўшилаётган бир қадамдир.

Манзил: Тошкент шаҳри, Олмазор тумани, Фаробий кўчаси, 100102

Маълумот учун тел:

+99893 0010085

+99890 9352025

+99894 6374043

Реклама ҳуқуқи асосида.