Respublika ixtisoslashtirilgan dermotovenerologiya va kosmetologiya ilmiy-amaliy tibbiyot markazi MDH davlatlari ichida ilk bor O‘zbekistonda oq dog‘larni jarrohlik usuli bilan butunlay davolashni yo‘lga qo‘ydi.
O‘zbekistondagi Respublika ixtisoslashtirilgan dermotovenerologiya va kosmetologiya ilmiy-amaliy tibbiyot markazi MDH davlatlari orasida ilk bor vitiligo (teridagi oq dog‘lar) kasalligini jarrohlik usuli bilan butunlay davolashni yo‘lga qo‘ydi.
Chet elga borib ortiqcha mablag‘ sarflanmaydi
“Prezidentimiz topshirig‘i va sog‘liqni saqlash sohasini yanada takomillashtirish chora-tadbirlari to‘g‘risidagi davlat dasturi asosida RIDVKIATMga jahondagi eng nufuzli kompaniyalarning lazer apparatlari olib kelindi. AQShda ishlab chiqarilgan, dunyoda o‘z brendi va nufuziga ega bo‘lgan Candella kompaniyasiga tegishli Picoway hamda Vbeam Perfecta kabi texnikalar yurtimizga olib kelindi.
Bu lazer texnologiyalar yordamida endilikda teri kasalliklarining ko‘plariga davo topildi. Avvallari chet elga borib, ortiqcha mablag‘ sarflash evaziga amalga oshiriladigan bunday amaliyotini endi O‘zbekistonda qilsa bo‘ladi”, — deyiladi markaz axborotida.
Bu jarrohlik usuli — sog‘lom teridan melanotsitlarni ko‘chirib o‘tkazish bo‘lib, oq dog‘larni choksiz usulda davolashdir.
Eng kuchli va sifatlisi
268 ming AQSh dollariga kelingan bu lazer texnologiyalar dunyo tibbiyotida keng foydalaniladigan eng kuchli va sifatlisi hisoblanadi. Keltirilgan zamonaviy tibbiy texnikalar yordamida yuzdagi va teridagi turli nuqsonlar va kasalliklardan osongina xalos bo‘lish mumkin.
Qayd etish lozim, bunday murakkab jarrohlik amaliyoti MDH davlatlari orasida ilk bora aynan O‘zbekistonda amalga oshirilmoqda. Endi hech qanday choksiz, og‘riqlarsiz lazer texnologiyalar orqali kasallikdan qutulish imkoni bor.
Bunday yangilik nafaqat sog‘liqni saqlash sohasida katta yutuq, balki turizm sohasi rivojiga ham ulkan hissa qo‘shadi. Avvallari bemorlar rivojlangan Yevropa mamlakatlariga borib bunday jarrohlik amaliyotini o‘tab qaytgan bo‘lsa, MDH mamlakatlari aholisi endi O‘zbekistonga tashrif buyuradi. Bunday harakatlar, albatta, O‘zbekiston imijini xalqaro miqyosda yanada yuksaltirishga qo‘shilayotgan bir qadamdir.
Manzil: Toshkent shahri, Olmazor tumani, Farobiy ko‘chasi, 100102
Ma’lumot uchun tel:
+99893 0010085
+99890 9352025
+99894 6374043
Reklama huquqi asosida.
Izoh (0)