Тошкент шаҳри Шайхонтоҳур туманидаги 180-ихтисослаштирилган давлат умумтаълим мактабига Тошкент автомобиль йўллари касб-ҳунар коллежининг бўш турган биноси вақтинчалик фойдаланишга берилади. Бу ҳақда Халқ таълими вазирлиги матбуот хизмати хабар берди.
180-ихтисослаштирилган давлат умумтаълим мактаби биноси 1963 йилда қурилган бўлиб, таълим маскани 964 ўринга мўлжалланган. Ҳозирги кунда мактабда 2021 ўқувчи таҳсил олмоқда.
Ўтган ўқув йилида 167-сонли (180А) давлат умумтаълим муассасаси 180-ИДУМга тармоқ мактаби сифатида бириктирилган. Мазкур мактаб 520 ўринга мўлжалланган бўлсада, ўқувчилар сони кўпайиб, қўшимча 420 нафар ўқувчи қабул қилинган.
Ўқувчиларга таълим олиш учун шароит яратиш мақсадида 180-ихтисослаштирилган мактабга 1,2 минг ўринга мўлжалланган Тошкент автомобиль йўллари касб-ҳунар коллежи биносидан 2019—2020-ўқув йилида вақтинчалик фойдаланиш имконияти берилди.
Изоҳ (0)