Тошкентнинг Миробод тумани, Буюк Турон кўчаси, 75-уй 93-хонадонда ёнғин содир бўлди.
Тошкент шаҳар Ёнғин хавфсизлиги бошқармаси хабарига кўра, 5 сентябрь куни соат 02:14 ларда юз берган ёнғинда уй жиҳозлари ҳамда 3 квадрат метр майдон ёнган. Хонадоннинг 100 квадрат метр майдони сақлаб қолинган.
Ўт ўчирувчилар воқеа жойига соат 02:18 да етиб борган ва кўрилган тезкор чора ва ҳаракатлар натижасида ёнғин соат 02:27 да бартараф этилган.
Ёнғин дазмол назоратсиз қолдирилиши оқибатида содир бўлган, деб тахмин қилинмоқда. Ёнғин келтирган моддий зарар миқдори аниқланмоқда.
Изоҳ (0)