31 август, шанба куни футбол бўйича Италия А Сериясининг 2-тури доирасида 2 та учрашув якунланди.
Марко Жампаоло қўл остидаги «Милан» клуби «Джузеппе Меацца»да «Брешия»ни қабул қилди.
Беллашувдаги ягона голга миланликлар ярим ҳимоячиси Хоқон Чалхонўғлу 12-дақиқада муаллифлик қилди ва жамоасига муҳим 3 очкони тақдим этди (1:0).
Маълумот учун, «россонерилар» 2 тур натижасига кўра 3 очко жамғариб, мусобақа жадвалида 9-ўринни банд қилиб турибди.
Шу куни турнинг мазказий ўйини Туринда бўлиб ўтди. Унда мезбон жамоа «Ювентус» «Наполи»га қарши майдонга тушди.
Учрашув давомида «кекса синёра» аъзолари Данило (16), Гонсало Игуаин (19) ҳамда Криштиану Роналду (62) ўз номига биттадан голни расмийлаштириб қўйди. Неаполликлардан эса Костас Манолас (66), Ирбинг Лосано (68) ва Жованни Ди Лоренцо (81) Войчех Шченсни қўриқлаётган дарвозага бирин-кетин гол урди (3:3). Ўйиннинг 90+2-дақиқасида «Наполи» ҳимоячиси Калиду Кулибали автогол муаллифига айланди.
Натижада учрашув 4:3 ҳисобида «Ювентус» фойдасига якунланди.
Мазкур ғалабадан сўнг туринликлар 6 очко тўплаган ҳолда мусобақа жадвалида биринчи ўринга кўтарилиб олди. «Наполи» эса 3 очко билан 8-поғонада бормоқда.
А Серия
2-тур баҳслари
30 август, жума
«Болонья»—СПАЛ 1:0
Гол: 1:0 — 90 Сориано31 август, шанба
«Милан»—«Брешия» 1:0
Гол: 1:0 — 12 Чалхонўғлу«Ювентус»—«Наполи» 4:3
Гол: 1:0 — 16 Данило, 2:0 — 19 Игуаин, 3:0 — 62 Роналду, 3:1 — 66 Манолас, 3:2 — 68 Лосано, 3:3 — 81 Ди Лоренцо, 4:3 — 90+2, автогол Кулибали«Ювентус»: Шченсни, Алекс Сандро, де Лигт, Де Шильо (Данило, 15), Бонуччи, Пьянич, Матюиди, Ҳедира (Жан, 60), Дуглас Коста, Игуаин (Дибала, 76), Роналду.
«Наполи»: Мерет, Кулибали, Ди Лоренцо, Манолас, Гулям (Мариу Руй, 46), Фабиан Руис, Зелиньски, Инсинье (Лосано, 46), Аллан (Элмаз, 74), Кальехон, Мертенс.
Огоҳлантиришлар: Гулям (40), Ди Лоренцо (44), Матюиди (52), Алекс Сандро (80), Дуглас Коста (83), Элмаз (90)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)