31-avgust, shanba kuni futbol bo‘yicha Italiya A Seriyasining 2-turi doirasida 2 ta uchrashuv yakunlandi.
Marko Jampaolo qo‘l ostidagi “Milan” klubi “Juzeppe Meatssa”da “Breshiya”ni qabul qildi.
Bellashuvdagi yagona golga milanliklar yarim himoyachisi Xoqon Chalxono‘g‘lu 12-daqiqada mualliflik qildi va jamoasiga muhim 3 ochkoni taqdim etdi (1:0).
Ma’lumot uchun, “rossonerilar” 2 tur natijasiga ko‘ra 3 ochko jamg‘arib, musobaqa jadvalida 9-o‘rinni band qilib turibdi.
Shu kuni turning mazkaziy o‘yini Turinda bo‘lib o‘tdi. Unda mezbon jamoa “Yuventus” “Napoli”ga qarshi maydonga tushdi.
Uchrashuv davomida “keksa sinyora” a’zolari Danilo (16), Gonsalo Iguain (19) hamda Krishtianu Ronaldu (62) o‘z nomiga bittadan golni rasmiylashtirib qo‘ydi. Neapolliklardan esa Kostas Manolas (66), Irbing Losano (68) va Jovanni Di Lorenso (81) Voychex Shchensni qo‘riqlayotgan darvozaga birin-ketin gol urdi (3:3). O‘yinning 90+2-daqiqasida “Napoli” himoyachisi Kalidu Kulibali avtogol muallifiga aylandi.
Natijada uchrashuv 4:3 hisobida “Yuventus” foydasiga yakunlandi.
Mazkur g‘alabadan so‘ng turinliklar 6 ochko to‘plagan holda musobaqa jadvalida birinchi o‘ringa ko‘tarilib oldi. “Napoli” esa 3 ochko bilan 8-pog‘onada bormoqda.
A Seriya
2-tur bahslari
30-avgust, juma
“Bolonya”—SPAL 1:0
Gol: 1:0 — 90 Soriano31-avgust, shanba
“Milan”—“Breshiya” 1:0
Gol: 1:0 — 12 Chalxono‘g‘lu“Yuventus”—“Napoli” 4:3
Gol: 1:0 — 16 Danilo, 2:0 — 19 Iguain, 3:0 — 62 Ronaldu, 3:1 — 66 Manolas, 3:2 — 68 Losano, 3:3 — 81 Di Lorenso, 4:3 — 90+2, avtogol Kulibali“Yuventus”: Shchensni, Aleks Sandro, de Ligt, De Shilyo (Danilo, 15), Bonuchchi, Pyanich, Matyuidi, Hedira (Jan, 60), Duglas Kosta, Iguain (Dibala, 76), Ronaldu.
“Napoli”: Meret, Kulibali, Di Lorenso, Manolas, Gulyam (Mariu Ruy, 46), Fabian Ruis, Zelinski, Insinye (Losano, 46), Allan (Elmaz, 74), Kalyexon, Mertens.
Ogohlantirishlar: Gulyam (40), Di Lorenso (44), Matyuidi (52), Aleks Sandro (80), Duglas Kosta (83), Elmaz (90)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)