Францияда 66 ёшли жарроҳ 250 нафар болага нисбатан жинсий зўравонликда гумон қилинмоқда. «Vesti.ru»нинг хабар беришича, эркак бутун Франция давлати тарихида энг ёмон педофил, деб айтилмоқда.
Фото: «Vesti.ru»
Терговчиларнинг тахминига кўра, Жоэл Ле Скуарнек болаларни 30 йил давомида зўрлаган. Унинг беморлари вояга етмаган шахслар бўлган. Қайд этилишича, айрим ҳолларда зўравонликни жабрланувчилар беҳуш ётган пайтда амалга оширган.
Жарроҳ ахлоқсиз хатти-ҳаракатда биринчи марта 14 йил олдин гумонланган. У болаларга нисбатан зўравонлик тасвирланган суратларни сақлаганликда айбланган. Шунга қарамай, эркакка касбий фаолиятини давом эттиришга йўл қўйилган.
Қайд этилишича, шифокор 2017 йилда педофилликда айбланиб, ҳибсга олинган. Ҳозирда эркакнинг жиноий хатти-ҳаракатларига оид янги далиллар пайдо бўлмоқда. Гумонланувчининг ўзи унга қўйилган айбловларни рад этмоқда, лекин кичик ёшдаги қизларга нисбатан девиант хулқ-атворини тан олган.
Тергов ҳаракатлари давомида педофил-шифокорнинг кундалиги топилган бўлиб, унда 250 нафар болага нисбатан жинсий характердаги ҳаракатлари батафсил баён этилган.
Ҳозирда полиция кундаликда қайд этилган болаларнинг ота-оналарини сўроқ қилмоқда. Уларнинг айримлари, ҳатто буни сезмаганини айтган.
