Ўзбекистон бензин ишлаб чиқаришни камайтирди

2019 йилнинг январь—июль ойларида республика корхоналари томонидан 175,3 триллион сўмлик саноат маҳсулотлари ишлаб чиқарилган бўлиб, ўтган йилнинг тегишли даврига нисбатан саноат ишлаб чиқаришининг физик ҳажми индекси 6,8 фоизни ташкил этди.

Давлат статистика қўмитаси хабарига кўра, республикада автомобиль бензини ишлаб чиқариш ҳажми 0,6 фоизга камайди. 2018 йилнинг шу даврида 657,1 минг тонна бензин ишлаб чиқарилган бўлса, 2019 йилда — 595,1 минг тонна.

Дизел ёқилғисини ишлаб чиқариш ҳажмида ҳам пасайиш кузатилди — 6,3 фоиз. 2018 йилда 650,6 минг тонна дизел ишлаб чиқарилган бўлса, 2018 йилда 626,4 минг тоннани ташкил этди.

Портландцемент ҳажмида ўсиш кузатилди — 17,6 фоиз (2018 йилнинг шу даврида 4590,7 минг тонна, 2019 йилда — 5399,5).

Бундан ташқари, Ўзбекистонда тракторлар ишлаб чиқариш ҳажми 33,1 фоизга камайди. 2018 йилнинг шу даврида — 2406 дона, 2019 йилда — 797.