Мудофаа вазирлигининг бир гуруҳ масъуллари иштирокида Қорақалпоғистоннинг Нукус, Қўнғирот ва Тахиатош туманларида ҳамда Урганч шаҳрида сайёр қабуллар ўтказилди. Бу ҳақда Шимоли-ғарбий ҳарбий округ матбуот хизмати маълум қилди.
Хабар берилишича, қабул давомида давлат ва жамоат ташкилотлари вакиллари, соғлиқни сақлаш, таълим, спорт, банк ва кредит, бандликка кўмаклашиш каби ижтимоий-маиший муаммолар ўз ечимини топган.
— Мен, Андижон вилояти Марҳамат туманиданман, — дейди шартнома бўйича ҳарбий хизматчи, оддий аскар Хайрулла Сайнаев. — Бир йилдан сўнг пенсия ёшига етаман. Фарзандим муддатли ҳарбий хизматни ўтаб қайтди. У ҳам мен каби Ватан ҳимоячиси бўлиб, Қуролли Кучлар сафида шартнома бўйича хизмат қилмоқчи. Мудофаа вазирлиги кадрлар бош бошқармаси бошлиғига мурожаат этганимда, ижобий жавоб олдим.
«Сайёр қабул давомида жами 277 та мурожаат ўрганилди. Шундан 196 таси жойида ҳал қилиниб, 81 таси эса тегишли ташкилот ва идораларга тақдим этилди», — дейилади хабарда.
Изоҳ (0)