Сўнгги вақтда амалдаги қонун ва қонуности ҳужжатлари талабларига зид равишда чет давлатлардан Ўзбекистонга турли пневматик қуролларни божхона чегараси орқали ноқонуний олиб киришга уринишлар тез-тез учраб турмоқда.
Хусусан, Қорақалпоғистон Республикаси божхона бошқармасининг «Даут-ата» чегара божхона постида қўшни давлатдан кириб келган фуқаро Х.А. бошқарувидаги Cobalt русумли автомашина белгиланган тартибда кўздан кечирлиганида, автомобилнинг орқа ўриндиғи тагига газли пневматик тўппонча хуфиёна тарзда яшириб қўйилганлиги аниқланди.
Навоий вилояти божхона бошқармаси ходимлари томонидан олиб орилган профилактик чора-тадбирлар давомида Навоий шаҳрида истиқомат қилувчи А.Ф. уйида сақланган ов қуролини ўз хоҳиши билан божхона органларига тақдим қилди.
Тошкент халқаро аэропортида аниқланган божхона қонунбузилиши ҳолатида эса хориждан учиб келган йўловчилардан бири В.С. бир дона патронни «яшил» йўлак орқали олиб киришга уринган вақтида тўхтатиб қолинди.
Ҳозирда юқоридаги ҳолатлар юзасидан текширув ҳаракатлари олиб борилмоқда.
Изоҳ (0)