Буюк Британия бош вазири Борис Жонсоннинг ҳозирда ажрашиш остонасида бўлган рафиқаси Марина Уилер биринчи марта саратон касаллиги билан қандай курашгани ҳақида гапирди, деб хабар бермоқда «Korrespondent.net».
Бу ҳақда The Sunday Times газетасида чоп этилган бўлиб, унда Уилер йил бошида унга қўйилган бачадон саратони ўсимтасини олиб ташлаш бўйича 3 та операцияни бошидан ўтказганини айтган.
Таниқли ҳуқуқшунос ва ёзувчи Уилернинг сўзларига кўра, кутилмаган ташхис туфайли у анча олдин режалаштирган Россияга сафарини бекор қилишга мажбур бўлган. Бунда даволаниш муваффақиятли ўтган, таҳлил натижалари эса ўсимта тарқалишга улгурмаганини кўрсатган.
Уилер ўз кечинмаларидан фойдаланиб, британиялик аёлларни эътиборли бўлишга чақирган. У саратон белгиларини аниқлаш учун мунтазам текширувдан ўтиш муҳимлигини таъкидлаган.
Изоҳ (0)