11 август, якшанба куни футбол бўйича Ўзбекистон Суперлигасининг 16-тури доирасида 3 та ўйин ўз якунига етди.
Жиззахнинг «Сўғдиёна» клуби ўз майдонида Навоийнинг «Қизилқум»ини қабул қилди.
Учрашувдаги ягона голга мезбон жамоа ҳужумчиси Шоҳруз Норхонов 1-бўлимга қўшиб берилган дақиқада (45+3) муаллифлик қилди.
Шу тариқа «Сўғдиёна» ўз уйида кечган баҳсда «Қизилқум»дан кичик ҳисобда устун келди ва 3 очкога эга бўлди.
Мазкур ғалабадан сўнг «Сўғдиёна» очколари сонини 26 тага етказиб олди ва мусобақа жадвалида 5-ўринда бормоқда. 12-ўринда бораётган «Қизилқум» ҳисобида эса 14 очко мавжуд.
Турнинг марказий ўйинида Қаршининг «Насаф» клуби Тошкентнинг «Бунёдкор» жамоасига қарши майдонга тушди.
Беллашув давомида қаршиликлардан Азиз Ғаниев (25, пенальти), Бобур Абдуҳолиқов (52) ва Ҳумоюн Муртазоев (90+2) рақиб дарвозасини ишғол қилган бўлса, «қалдирғочлар»дан Шоҳрух Гадоев (90) ўз номига битта гол расмийлаштириб қўйди (3:1).
Ўйин якунига кўра, «Насаф» «Бунёдкор» мағлуб этди ва муҳим 3 очкони қўлга киритди.
Маълумот учун, «Насаф» 27 очко жамғарган ҳолда 3-ўринда бормоқда. «Бунёдкор» эса шунча очко билан ундан кейинги ўринни эгаллаб турибди.
Шу куни Бекободнинг «Металлург» клуби «Андижон» билан беллашди.
Учрашувнинг 33-дақиқасида Андижон клуби ҳужумчиси Шаҳзод Убайдуллаев ҳисобни очган бўлса, 90+1-дақиқага келиб Даврон Исоқов ҳисобни 2:0 кўринишига олиб келди.
Натижада «Андижон» меҳмонда «Металлург» устидан 2:0 кўринишида ишончли ғалабани қўлга киритди.
Қайд этиш жоиз, андижонликлар 16 очко тўплаб 11-поғонага кўтарилиб олган бўлса, 20 очко жамғарган «Металлург» 8-ўринни банд қилиб турибди.
16-турдан сўнг мусобақа жадвалидаги ҳолат:
Суперлига
16-тур баҳслари
11 август, якшанба
«Сўғдиёна»—«Қизилқум» 1:0
Гол: 1:0 — 45+3 Шоҳруз Норхонов«Насаф»—«Бунёдкор» 3:1
Голлар: 1:0 — 25, пенальти, Азиз Ғаниев, 2:0 — 52 Бобур Абдуҳолиқов, 2:1 — 90 Шоҳрух Гадоев, 3:1 — 90+2 Ҳумоюн Муртазоев«Металлург»—«Андижон» 0:2
Гол: 0:1 — 33 Шаҳзод Убайдуллаев, 0:2 — 90+1 Даврон ИсоқовЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)