Бугун, 5 август куни Наманган вилоятидаги Тўрақўрғон ИЭСда биринчи газ турбинаси ишга туширилди. Бу ҳақда Ўзбекистон энергетика вазирлиги матбуот хизмати хабар берди.
Айни вақтда ИЭС синов режимида фаолият кўрсатаётган бўлса, ноябрь ойидан тўлиқ ишга туширилади.
Биринчи қурилмани 2019 йилнинг сентябрь ойида, иккинчисини эса ноябрь ойида фойдаланишга топшириш режалаштирилганди. Янги авлодга мансуб энергоблоклар анъанавий иссиқлик электр станциялари сарфлайдиган ёнилғи бирлигига нисбатан икки баробар кўп электр энергияси ишлаб чиқаради.
Мутахассисларнинг ҳисоб-китобларига кўра, буғ-газ қурилмаларида КПД тахминан 59 фоизни ташкил этиб, бу анъанавий буғ генераторли станциялар кўрсаткичларидан анча юқори бўлиши билан бирга, энергоблокларнинг иш жараёнида атмосферага чиқадиган зарарли газлар миқдори қарийб икки бараварга камаяди.
Изоҳ (0)