Ёшлар ўртасида WBC йўналишида собиқ Жаҳон чемпиони полшалик боксчи Давид Костецкининг вафоти ҳақида тафсилотлар маълум бўлди.
Polsat Sport’нинг хабар беришича, 38 ёшли спортчи Варшавадаги қамоқхонада ўз жонига қасд қилган.
Коснецкига биринчи марта 2011 йилда қамоқ жазоси тайинланганди. Ўшанда у 2,5 йилга озодликдан маҳрум қилинганди. 2014 йилда эса боксчи озодликка чиқди, бироқ кўп ўтмай ўғирланган автомашиналарни легаллаштириш айблови билан яна ҳибсга олинганди.
Спортчининг жазо муддати тугашига қарийб икки йил қолганди.
Маълумот учун, Коснецки профессионал боксдаги дебют жангини 2001 йилда ўтказганди. У умумий ҳисобда 41 та жанг ўтказиб, 39 тасида ғалабага эришган бўлса, 2 бор мағлуб бўлганди. Польшалик сўнгги жангини 2014 йилда ўтказганди. Ўшанда у Анжей Вайдага мағлуб бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)