Мусулмонлар орасида Ҳайит байрами арафасида жонлиқ сўйиб қурбонлик қилиш яхши анъанага айланган. Қурбонликка қандай ҳайвонларни сўйиш мумкинлиги ҳақидаги ҳақида турли маълумотлар мавжуд.
Қўй, эчки, қора мол, туя каби ҳайвонларни эркаги ҳам, урғочиси ҳам сўйилиши мумкин. Улардан туя 5 ёшли, сигир 2 ёшли, қўй ва эчки 1 ёшга тўлган бўлиши керак. Бироқ 6 ойлик қўй 1 ёшга кирган қўйга ўхшаган семиз бўлса, жоиздир. Бундай ҳайвонларни киши ўзининг имкониятига қараб сўйиши мумкин. Лекин бу ҳайвонлардан бошқа — товуқ, ўрдак, курка кабиларни қурбонлик ниятида сўйиш ҳаромга яқин макруҳ амалдир.
Бир киши хоҳласа битта қўй ёки битта эчки ва ёки битта мол ё битта туя сўйиши мумкин. Туя билан молни бир кишидан то етти кишигача шерик бўлиб сўйса бўлади. Биргаликда қурбонлик қилувчилар, ҳайвонни бирга сотиб олади ёки орасидан бир кишига ҳайвонни сотиб олиш учун ваколат беради.
Изоҳ (0)