30 июль куни Ўзбекистон ҳукумати билан Беларусь ҳукумати ўртасида 1994 йил 22 декабрдаги Халқаро автомобиль транспорти қатнови тўғрисидаги Битимга ўзгартириш ва қўшимчалар киритиш тўғрисида 2019 йил 13 сентябрда Тошкентда имзоланган Баённома кучга кирди.
Ўзбекистон Ташқи ишлар вазирлигидан маълум қилишларича, Баённома мазкур Битимга тенг шартлар асосида келишилган миқдорда йўл йиғимлари тўловисиз ёки йўл йиғимлари тўлови билан рухсатнома бланкаларини ўзаро тақдим қилишни кўзда тутувчи ўзгартириш ва қўшимчалар киритиш мақсадида ишлаб чиқилган.
«Баённома транспорт соҳасидаги ҳамкорликни янада чуқурлаштиришга имкон беради, икки давлат ўртасида савдо-иқтисодий алоқаларни кенгайтириш учун янги истиқболлари очади ҳамда ўзаро манфаат асосида Беларусь ҳудуди орқали Европа иттифоқи билан экспорт-импорт юкларини ташишда Ўзбекистон юк ташувчлари иштирокини ошириш учун шароитлар яратади», — дейилади расмий ахборотда.
Изоҳ (0)