Бўлиниб кетган «Уммон» гуруҳининг яккахон хонандаси сифатида фаолият юритаётган Шоҳрух «Дарё» интернет-нашри учун эксклюзив интервью берди. Интервьюни журналист Феруз Муҳаммад ташкиллаштирди.
Суҳбат давомида Шоҳрух «Уммон» гуруҳининг турли йиллардаги айрим концерт дастурларининг қолдирилиш сабаблари ва концерт сабаб чиққан катта-кичик жанжаллари ҳақида гапириб берди.
Жуда кўп мухлисларни концерт қўймасдан, куни эълон қилинган концертларни ўтказа олмасдан хафа қилиб қўйганмиз. Ташкилотчилар билан 1000 сўмга келишсак, қўлимизга 200 сўм ‘заклад’ беришарди. Агарда чет элда концерт бўладиган бўлса, бир ҳафта олдин қўлимизда пул тўлиқ бўлиши керак, шундан сўнг биз концертга боришимиз керак бўларди. Ташкилотчилар келишилган пулнинг ярмини беришарди-да, қолганини сўрасангиз ‘Пул йўқ’ деб туришарди. Шунинг учун ҳам концертларимиз қолдирилишига кўпинча ташкилотчилар айбдор бўлишарди. Пулни олмаганингиздан кейин концертга чиқмайсиз-ку! Шунинг орқасидан жанжаллар жуда кўп бўлган.Бу жанжалларга биз аралашмасдик, маъмурлар ҳал қилишарди. Келиша олмаганларида маъмурларимизнинг пешонасига пистолет тирашган пайтлари ҳам бўлган. Бу адашмасам Россиянинг қайсидир вилоятида содир бўлган. Ўзимизнинг Сурхондарёда бўйниларига пичоқ тирашган. Охирги марта зиддиятли вазият Наманганда бўлган. Концерт бўлиши керак эди, лекин ташкилотчи ‘ўйин’ қилган. Тегишли ташкилотлардан рухсат олмаган. Хуллас, концерт бера олмадик ва меҳмонхонада туриб мухлисларга видеомурожаат йўллашга мажбур бўлганмиз. Ўшанда кўпчилик биздан хафа бўлган.
Шоҳрух, «Уммон» гуруҳи яккахони
Изоҳ (0)