Жиззах вилоятининг Зомин туманида 24 июль куни соат 06:10 ларда мудҳиш ЙТҲ юз берди, деб хабар берди ИИВ Жамоатчилик ва ОАВ билан алоқалар бошқармаси.
Тошкент шаҳар Юнусобод туманида яшаган 32 ёшли С.Х бошқарувидаги «ВАЗ-21011» русумли автомашинасини «Жиззах—Зомин» йўлида ҳайдаб кетаётиб, қарама-қарши йўналишдан ҳаракатланиб келаётган «Гулшан» ҚФЙда яшаган 32 ёшли Ш.Т бошқарувидаги «Nexia» русумли автомашинаси билан тўқнашув содир этиши оқибатида автомашиналарда ёнғин келиб чиқиб, «ВАЗ-21011» автомашинаси тўлиқ ва «Nexia» автомашинаси қисман ёниб зарар кўрган.
Натижада иккала ҳайдовчилар жароҳат олиб воқеа жойида вафот этган ва «Nexia» автомашинаси йўловчиси, ҳайдовчи Ш.Т.нинг отаси 61 ёшли Р.Т жароҳат олиб касалхонага ётқизилган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)